एकात्मिक नियंत्रण व्यवस्थापन –

• किडींच्या पर्यायी खाद्य वनस्पती उपटून नष्ट कराव्यात.

• भेंडीची वेळेवर लागवड करावी व खताची योग्य मात्र वापरावी. नत्राचा अतिरिक्त वापर करू नये.

• लागवड राहिली असल्यास लागवडीपुर्वी बियाण्यास ७० टक्के थायोमिथॉक्झॉंम / इमिडाक्लोप्रीड ५ ग्रॅम प्रति किलो या प्रमणात बियाण्यास बीज प्रक्रिया करावी.

• किडग्रस्त भेंडी तोडून अळीसहीत नष्ट करावीत.

• ठिपक्याची अळी व घाटेअळी यांची कामगंध सापळे शेतामध्ये सर्व्हेक्षणासाठी प्रति हेक्टरी ५ या प्रमाणात लावावे.

• पांढऱ्या माशीसाठी पिवळे किंवा चिकट सापळे प्रति हेक्टरी १० लावावेत.
  किटकनाशकाचा अनावश्यक वापर टाळावा. त्यामुळे परभक्षी कीटक जसे ढालकिडा, क्रायसोपा, सिराफिड माशी, कोळी, भक्षक ढेकूण इत्यादी व परोपजीवी कीटक जसे ट्रायकोग्राम, रोगस, ब्रॅकॉन इत्यादींचे संरक्षण होईल. त्यामुळे हानीकाराक किडींचे नैसर्गिकरित्या नियंत्रण होण्यास मदत होईल.

• ठिपक्याची अळी व घाटेअळीच्या नियंत्रणासाठी ट्रायकोग्रामाची अंडी ५०,००० प्रति हेक्टरी शेतामध्ये सोडावीत. 

• पांढरी माशी व इतर लहान किडींच्या नियंत्रणासाठी क्रायसोपाच्या २ अळ्या प्रति झाड सोडावेत.
  घाटेअळीच्या नियंत्रणासाठी एचएएनपीव्ही २५० एलई प्रति हेक्टरी वापर करावा.
  घाटेअळीचा / ठिपक्याच्या अळीचा प्रादुर्भाव दिसताच ५ टक्के निंबोळी अर्काची फवारणी करावी.

• रासायनिक किटकनाशकाचा वापर फक्त किडींनी आर्थिक नुकसानीची पातळी ओलांडल्यानंतरच करावा. किडींनी आर्थिक नुकसानीची पातळी ओलांडताच खालील कीटकनाशकाची १० लिटर पाण्यात मिसळून फवारणी करावी.

घाटेअळीचा / ठिपक्याच्या अळीकरिता

• ईमामेक्टिन बेन्झोएट ५ एस.जी. -४ ग्राम किंवा क्लोराट्रनीलीप्रोल १८.५ ई सी – ३ मिली किंवा क्विनॉलफोस २५ टक्के इसी- २० मिली .

• पांढरी माशी, मावा व तुडतुडे,  यांच्यासाठी ऑक्सिडीमिटोन मिथाईल २५ ईसी -१० मिली,  इमीडाक्लोप्रीड १७.८ टक्के प्रवाही -२ मिली,

• कामगंध सापळ्यांचा वापर - कामगंध सापळ्यांचा वापर केल्याने किडीची आर्थिक नुकसानीची पातळी तसेच प्रतिबंधात्मक फवारणी घ्यावी की नाही हे समजते. कामगंध सापळे हेक्‍टरी ५ ते १०  या प्रमाणात शेतात लावावेत. सापळा पिकाच्या वरती साधारणपणे अर्धा-एक फूट राहील याप्रमाणे लावावा. त्यातील ल्युर लावताना हातास कांदा, लसूण यांसारख्या उग्र पदार्थांचा वास नसावा, तसेच कामगंध सापळ्यांचे पक्षी, मांजर, कुत्रे यांच्यापासून संरक्षण होईल याची काळजी घ्यावी. पावसाळ्यात सापळ्यात पाणी जाणार नाही याची काळजी घ्यावी. दर तीन-चार आठवड्यांनंतर नियमितपणे खालीलप्रमाणे ल्युर बदलावेत.  हिरवी बोंड अळी, हेलिकोव्हर्पा अर्मिजेरा    -हेलिल्युर, तंबाखूची पाने खाणारी अळी, स्पोडोप्टेरा लिट्युरा   -स्पोडोल्युर,  शेंडे व फळे पोखरणारी अळी इरियास व्हायटेला/इन्सुलॅना   -इरिल्युर, स्पोडोप्टेराचे अंडीपुंज वेळीच नष्ट केल्यास पुढील प्रादुर्भाव टाळण्यास मदत होते. 

• भेंडी खुडणीच्या वेळी निघणाऱ्या किडलेल्या भेंड्या अळ्यांसह नष्ट कराव्यात. 

• भेंडी पिकात मक्‍यासारख्या पिकाची लागवड केल्यास मित्रकीटकांचे संवर्धन होऊन नैसर्गिक कीडनियंत्रणास चालना मिळते. मका पिकावर

• अशाप्रकारे भेंडीवरील किडींची ओळख करून योग्य पद्धतीने एकात्मिक कीड व्यवस्थापना करून भेंडीचे भरघोस उत्पादन घ्यावे.